Það koma vonandi jól – Sala á jólatónleika Baggalúts hefst á fimmtudag

Auglýsing

Á hádegi fimmtudaginn 17. september er áætlað er að hefja sölu miða á fyrirhugaða jólatónleika Baggalúts á tix.is — að teknu tilliti til allra þeirra margvíslegu óvissuþátta sem gætu hugsanlega haft áhrif á þá ákvörðun, ef af verður. 

Að sögn talsmanns forvarnasviðs Baggalúts ríkir ákveðin en þó hófleg bjartsýni í herbúðum sveitarinnar og er jafnvel talið líklegt að tónleikarnir geti, ef til vill, að óbreyttu farið fram í desember.

„Að því gefnu að aðstæður leyfi og ekkert komi til sem valdið geti aukinni óvissu um fyrirhugað tónleikahald. Að því sögðu er rétt að hafa ákveðinn fyrirvara á þessu, því ekki er ósennilegt að forsendur geti breyst — þó það sé auðvitað alls ekkert víst og allt geti enn gerst. Eða ekki.”

Selt verður inn í tvískiptan sal í Háskólabíói helgarnar 11.–12. og 18.–19. desember — á alls sex tónleika. Kannski.

Auglýsing

Nánari upplýsingar eru á tix.is.

Auglýsing

læk

Ummmmm...

Instagram