,,Í ljósi hertra samkomutakmarkana hefur The Color Run sem fara átti fram þann 5. september í Reykjavík verið frestað til 5. júní 2021. Áður hafði The Color Run á Akureyri verið frestað til 31. júlí 2021,“ segir í tilkynningu frá aðstandendum viðburðarins.
,,Keyptir aðgöngumiðar gilda sjálfkrafa áfram á viðburðinn næsta sumar og værum við þakklát ef miðaeigendur væru til í að halda í miða sína og styðja þar með við viðburðahald á Íslandi sem á undir högg að sækja þessa dagana. Henti ný dagsetning ekki geta miðaeigendur óskað eftir endurgreiðslu með því að senda tölvupóst á info@tix.is innan 14 daga frá og með deginum í dag, þ.e. í síðasta lagi fimmtudaginn 3. september.“