Einn heppinn miðaeigandi vann 5 milljónir króna í Happdrætti Háskóla Íslands en dregið var í gærkvöldi. Margir aðrir miðaeigendur hafa einnig ástæðu til að gleðjast og má þá helst nefna þá sex sem fengu eina milljón króna hver í vinning og ekki síður þá þrettán sem fengu hálfa milljón hver í sinn hlut.
Í heildina skiptu vinningshafar í mars með sér rúmum 135 skattfrjálsum milljónum.
„Happdrætti Háskólans óskar vinningshöfum innilega til hamingju með vinninga sína og þakkar stuðninginn,“ segir í tilkynningu frá happdrættinu.