„Ég er búin að bóka Langholtskirkju og með mér verða Guðmundur Pétursson og Róbert Þórhallsson á þessum einstaka streymisviðburði. Við munum byggja efnisskránna á tónlistinni af disknum Vetrarljóð ásamt öðru spennandi efni sem passar með. Ég sjálf elska þessi ljóð og lög og finnst þau eiga erindi til fólks á öllum aldri. Vetrarljóð er líka mín mesta selda plata frá árinu 2004 og ég veit að lögin eru fyrir löngu orðin ómissandi partur af vetrarmánuðunum hjá mörgum. Ég vona að ég geti hlýjað okkur aðeins um hjartarætur á meðan tónleikahald er í sögulegu lágmarki“ – segir Ragga Gröndal í samtali við albumm.is
Vetrarljóð Röggu Gröndal verða flutt í streymi í beinni útsendingu frá Langholtskirkju sunnudaginn 22. nóvember 2020 kl: 20:00.
Nálgast má miða á tónleikana HÉR.