Anis Amri, karlmaður frá Túnis sem grunaður er um að hafa ekið flutningabíl inn í mannþröng á jólamarkaði í Berlín í Þýskalandi á mánudagskvöld, var skotinn til bana af lögreglu í Mílanó á Ítalíu í nótt.
Tólf létu lífið og 49 slösuðust í árásinni í Berlín.
Örskýring: Maður ók flutningabíl hlöðnum stálbitum á fullri ferð inn á jólamarkað í Berlín
Maðurinn dró upp byssu þegar lögregla bað um skilríki hans við hefðbundið lögreglueftirlit í nótt. Hann var skotinn til bana.
Fingraför Amri fundust í flutningabílnum og passa þau við fingraför látna mannsins.
Ítalski fjölmiðillinn Ansa segir að Amri hafi ferðast með lest frá Frakkalandi til Mílanó.
Hann var 24 ára gamall og hafði afplánað dóma á Ítalíu fyrir ýmsa glæpi. Þegar hann lauk afplánun var honum gert að yfirgefa landið. Hann kom til Þýskalands í apríl og sótti um hæli.