Háskólaneminn Kendra Sunderland varð heimsfræg þegar hún var ákærð fyrir nekt á almannafæri eftir að hún fækkaði fötum í bókasafni Oregon State háskólans. Sunderland hefur nú opnað stefnumótasíðu sem er sérstaklega ætluð blönkum stúlkum í háskólanámi sem vilja komast í samband við eldri menn.
Í skilaboðum á síðunni segir Sunderland að blankar háskólastelpur þurfi betri valmöguleika:
Ég setti þessa síðu upp til að koma háskólastelpum eins og mér, sem berjast við að greiða skólagjöldin, í samband við ríka, eldri kærasta. Vonandi verður síðan til þess að þær þurfi ekki að fækka fötum inni á bókasafni.
Fjölmiðlar um allan heim birtu fréttir af hinni 19 ára gömlu Sunderland eftir að hún var kærð fyrir myndband sem sýnir hana fækka fötum í bókasafni Oregon State háskólans. Einn af þeim sem horfði á útsendinguna tók hana upp og dreifði á þekktri klámsíðu.
Myndbandið dreifðist svo víða og á endanum var hún ákærð. Verði Sunderland fundin sek gæti hún þurft að sitja inn í heilt ár ásamt því að greiða sekt upp á 6.250 dali, eða rúmlega 800 þúsund krónur.
Sunderland er nú hætt í skólanum og einbeitir sér að ferli í klámiðnaðinum. Ásamt því að setja upp fyrrnefnda vefsíðu er hún búin að sitja fyrir í Playboy, samkvæmt frétt New York Daily News, ásamt því að halda áfram að fækka fötum fyrir framan vefmyndavélar.