Bono, söngvari U2, er heppinn að vera á lífi eftir að hurð rifnaði af einkaþotu sem hann ferðaðist með frá Dublin til Berlínar.
Bono var á ferðinni ásamt fjórum vinum á leiðinni á Bambi tónlistarverðlaunin þegar slysið átti sér stað. Félagar hans í U2 voru ekki með í för. Þegar flugvélin nálgaðist Þýskaland rifnaði hurðin af og hefðu afleiðingarnar geta orðið skelfilegar.
„Hann er afar heppinn að vera á lífi,“ er haft eftir heimildarmanni Daily Mail í Írlandi. „Þeir heyrðu óhljóð aftan úr vélinni. Þeim var brugðið en ferðin hélt áfram og þeir gátu lent á flugvellinum í Berlín.“
Það var ekki fyrr en þeir lentu að þeir áttuðu sig á alvarleika málsins.
„Hurðin var fokin af og farangur Bono og félaga fór með. Þeir voru í slíkri hæð að hvað sem er hefði getað gerst.“
Yfirvöld á flugvellinum í Berlín staðfestu að vélin hafi lent skemmd. Á blaðamannafundi í kjölfarið sagði Ralf Kunkel, upplýsingafulltrúi flugvallarins, að lögreglan rannsaki málið.
Þá sagði hann að hluti vélarinnar hafi lent í Brandenburg.
Talsmaður Bono hefur ekki tjáð sig um málið.
Fylgdu Nútímanum á Facebook og Twitter og þú missir ekki af neinu.