Umfjöllun Kastljóss í kvöld þar sem fjallað var um þá sölumennsku sem beint er að veiku og jafnvel dauðvona fólki hefur vakið gríðarlega athygli. Umfjöllunin hefur varpað ljósi á óhefðbundnar meðferðir sem veikt fólk borgar háar upphæðir fyrir án þess hægt sé að sýna fram á nokkurn árangur.
Sjá einnig: 11 bestu ummælin um snákaolíusölumennina á Twitter
Slíkar aðferðir hafa reglulega skotið upp kollinum í umræðunni og í þessu broti úr Kastljósi frá því í nóvember árið 2005 rökræða Birna Smith og læknirinn Magnús Karl Magnússon um svokallaða DNA heilun.
Sagt var frá DNA heilun í Fréttablaðinu á sínum tíma og Birna segir aðferðina geta heilað „aðeins dýpra“ og fara með viðkomandi í svokallað „þeta ástand“.
Birna segist trúa að hægt sé að eiga við DNA líkamans og lækna þannig sjúkdóma. Þá segist hún tala við stofnfrumuna sína og biðja hana um ákveðna hluti. Magnús hefur á Facebook kallað þetta viðtal furðulegustu upplifun sína fyrr og síðar.
Brotið má sjá hér.