Sjónvarpsstöðin NBC hefur birt stiklu úr þáttunum A.D. Þátturinn verður frumsýndur ytra á páskadag.
Jóhannes Haukur Jóhannesson fer með hlutverk í þáttunum þar sem þráðurinn er tekinn upp eftir að Jesús hafði risið upp frá dauðum. Lífi lærisveinanna er fylgt eftir og hvernig þeim tekst að halda sér á lífi þrátt fyrir ofsóknir af hálfu rómverskra yfirvalda.
Jóhannes Haukur leikur Thomas en hefur ekki tjáð sig um hlutverkið.
Þættirnir eru framleiddir af Mark Burnett sem er meðal annars á bakvið raunveruleikaþætti á borð við Survivor, The Apprentice og The Voice.
http://youtu.be/dSoFbndq0xs