Harry prins og Meghan Markle trúlofuð og gifta sig næsta vor

Harry Bretaprins og bandaríska leikkonan Meghan Markle eru trúlofuð og hafa ákveðið að ganga í hjónaband næsta vor. Þetta kemur fram í tilkynningu frá bresku konungsfjölskyldunni sem meðal annars birtist á Facebook.

Í tilkynningunni segir að þau Harry og Meghan sem þekktust er fyrir leik sinn í sjónvarpsþáttunum Suits, hafi trúlofast í London fyrr í þessum mánuði.

Harry og Meghan hafa verið saman frá því júní 2016.