today-is-a-good-day

Illugi ánægður með fyrirspurnir Björns Leví: „Er á góðri leið með að verða einhver nytsamasti þingmaðurinn”

Illugi Jökulsson hrósar Birni Leví Gunnarssyni, þingmanni Pírata, í pistli á Stundinni í dag. Illugi segir að Björn sé að verða einhver nytsamasti þingmaðurinn á Alþingi Íslendinga og segir að með fyrirspurnum sínum muni hann gera meira gegn en flestir aðrir þingmenn.

Illugi segir að það komi ekki á óvart að hafin sé heilmikil áróðursherferð „kerfiskarla” gegn Birni Leví og fyrirspurnum hans.

Sjá einnig: Sex hressar fyrirspurnir frá Birni Leví á Alþingi: Hversu margir leita læknis eftir áverka eftir hund?

Nýjasta fyrirspurn Björns snýr að gjöf sem þingmenn fengu nýlega en hin opinbera afmælisnefnd um fullveldi Íslands keypti 63 eintök af útgáfu af Íslendingasögunum og gaf öllum þingmönnum. Illugi telur að Björn hafi fullan rétt á því að fá svör við því hvers vegna þetta hafi verið gert.

„Ég ítreka: Þetta virðist kannski ekki stórmál. En þegar maður spyr sig, eins og Björn Leví gerði, af hverju í ósköpunum voru þingmenn að fá þessa gjöf, þá verður undarlega fátt um svör,” segir Illugi á Stundinni.

Opinber skýring á gjöfinni er sú að þingmenn hafi fengið bækurnar til að gera þeim auðveldara fyrir „að rækja eftirlitshlutverk sitt“. Illugi gefur lítið fyrir þau svör.

„Hin opinbera skýring er alveg augljóslega tóm tjara – og reyndar hlægilegt að boðið sé upp á slíka skýringu í alvöru. Á kannski lagakaflinn langi og óskiljanlegi í Njálu að gera þeim kleift að hafa eftirlit með lýriti?”

Björn Leví er afar duglegur við að leggja fram fyrirspurnir en sú eftirminnilegasta er eflaust um aksturskostnað þingmanna, þar sem kom í ljós að þingmaðurin Ásmundur Friðriksson hefur varla yfirgefið bílinn sinn síðan hann varð þingmaður.

Sjá einnig: Ásmundur telur ekki ólíklegt að hann sé þingmaðurinn sem keyrði mest: „Ég keyri mjög mikið“

Bjarni Benediktsson, fjármála- og efnahagsráðherra, hefur áður sagt að Björn Leví væri að slá met í framlagningu fyrirspurna og spurði þingheim hvort einhver væri sammála sér um að þetta væri komið út í tóma þvælu.

Auglýsing

læk

Instagram