Spjallþáttastjórnandinn John Oliver ræddi Hatara töluvert í hinum vinsæla þætti, Last Week Tonight, í gærkvöldi. Oliver ræddi framgöngu Hatara á Eurovision í þætti sínum og lýsti atriðinu sem því mest sláandi sem tók þátt í Eurovision í ár. Sjáðu myndbandið hér að neðan.
John Oliver virtist hrifinn af Hatara en hann ræddi hljómsveitina í upphafi þáttarins við mikla kátínu áhorfenda. Hann sagði frá því að Hatari hefði tekið þátt í Eurovision til þess að knésetja kapítalismann. Oliver minntist ekkert á það að Hatari hafa veifað palestínska fánanum á úrslitakvöldinu en birti brot úr skemmtilegum viðtölum við meðlimi sveitarinnar.
Hér má sjá brotin úr þættinum þar sem John Oliver ræðir Hatara