Íslenskur tippari varð af 210 milljóna vinningi þegar Liverpool og Bolton gerðu jafntefli í ensku bikarkeppninni. Leiknum lauk rétt í þessu.
Ef Liverpool hefði unnið leikinn hefði tipparinn verið með alla þrettán leikina á enska getraunaseðlinum rétta og fengið milljónirnar 210 í vinning.Þetta kom fram í tilkynningu frá Íslenskri getspá.
Leikur Liverpool og Bolton var sá síðasti á enska getraunaseðlinum en 12 leikjum er lokið. Enginn tippari var því með 13 rétta og færist þá vinningsupphæðin yfir á enska getraunaseðilinn í næstu viku.
Tipparinn var þegar búinn að ná ótrúlegum úrslitum en bæði Manchester City og Chelsea töpuðu sínum leikjum.