Lögreglan hefur aflað gagna úr eftirlitsmyndavélum við Austurvöll sem gefa góða mynd af atburðarásinni þegar Klevis Sula var stunginn þar til bana um síðustu helgi. Meintur árásarmaður, Íslendingur á þrítugsaldri situr í gæsluvarðhaldi. Frá þessu er greint á Rúv.is
Grímur Grímsson yfirlögregluþjónn segir í samtali við Rúv að upptökur úr eftirlitsmyndavélum við Austurvöll hafa hjálpað til við að upplýsa atburðarásina sem leiddi til dauða Klevis.
„Já, við höfum aflað upptaka úr öryggismyndavélum þarna á Austurvelli, bæði úr öryggismyndavélum sem eru þarna á vegum lögreglu og borgarinnar og síðan frá einkaaðilum í nágrenninu,“ segir Grímur í samtali við Rúv.
Þá er haft eftir Grím að upptökur úr myndavélum við Alþingi hafi einnig nýst vel við rannsóknina.