Maður sem grunaður er um að hafa stungið tvo menn með hnífi á Austurvelli snemma í morgun var handtekinn, samkvæmt upplýsingum lögreglunnar á höfuðborgarsvæðinu. Þetta kemur fram á Vísir.is.
Lögregla fékk tilkynningu um átök um klukkan fimm í morgun en mennirnir tveir hlutu áverka á fótum, baki og kviði og voru fluttir á bráðamóttöku Landspítalans. Lögreglan segir að maðurinn sem var handtekinn hafi flúið af vettvangi.
Brotaþolarnir voru báðir fluttir á bráðamóttöku Landspítalans. Annar þeirra er mjög alvarlega slasaður. Í tilkynningu lögreglu segir að ekki sé unnt að veita frekari upplýsingar um málið að svo stöddu.