Vaxtaræktarkonan Sara Heims giftist vöðvatröllinu Rich Piana á dögunum en fréttir af hjónunum hafa vakið mikla athygli. Rich rekur fyrirtækið 5% sem framleiðir fatnað og fæðubótarefni og er duglegur við að birta myndbönd á Youtube af æfingum ásamt góðum ráðum fyrir þau sem vilja taka á því.
Piana hefur nú birt myndband af Söru að æfa í Las Vegas og átökin eru svakaleg. Horfðu á myndbandið hér fyrir ofan.
Sjá einnig: Stórkostlegustu augnablikin úr brúðkaupi Rich Piana og Söru Heimis
Sara og Rich voru í viðtali í Sunnudagsmogganum á dögunum. Þar kom meðal annars fram að þau horfi til undirfataiðnaðarins í leit að næstu verkefnum.
„Það kannast flestir hundaeigendur við tilfinninguna að langa til að eignast annan hund þegar sá fyrsti fer að verða stór,“ sagði Rich í Morgunblaðinu.
Það er svo ofboðslega gaman að fylgjast með hvolpinum vaxa og dafna. Þannig er þetta með 5%. Nú þegar þetta fyrirtæki er farið að ganga vel er mig farið að langa til að koma nýju verkefni af stað.
Hann sagðist sjá tækifæri í öllum hornum.
„Ég get nefnt sem dæmi að við vorum í verslunarmiðstöð um daginn, fórum inn í Victoria’s Secret í leit að undirfötum handa Söru og áttum í mestu vandræðum með að finna brjóstahaldara sem pössuðu henni. Svo að ég fór að hugsa: Auðvitað ættum við að opna undirfataverslun með sérsaumuðum brjóstahöldurum.
Ég veit að Sara er ekki eina konan sem er í vandræðum með að finna brjóstahaldara sem passar henni fullkomlega. Ég sæi vel fyrir mér að það væri hægt að koma í undirfataverslun, fá fullkomna mælingu og svo sérsaumaðan brjóstahaldara.“
Sara sagði í viðtalinu að það sé hreinasta martröð að finna réttu skálastærðina, það sé ómögulegt að fá brjóstahaldara sem passi konum sem þurfa stærri skálar en eru einnig með grönn mitti.