Íbúum í fjölbýlishúsi í Skipholti brá heldur betur í brún um helgina þegar skemmdarvargur hafði teiknað tittlinga á veggi sameignarinnar um nótt.
Lögregla var kölluð á staðinn en ekki er vitað hver var að verki. Eins og myndirnar hér fyrir neðan sýna var búið að teikna tittlinga á alla ganga, hurðir og gler í húsinu.
Byrjað er að reyna að þrífa veggina eftir skemmdarvarginn en mögulega þarf hreinlega að mála yfir tittlingana. Bergþóra Baldursdóttir, íbúi í húsinu, segist í samtali við Nútímann ekki getað annað en hlegið að þessu. „Við pöntuðum pizzu í gær og pizzasendillinn hafði mjög gaman af þessu,“ segir hún.
Andyrið leit ekki vel út eftir skemmdarvarginn
Skemmdarvargurinn „skreytti“ alla veggi
Svo virðist sem hann hafi þurft að koma skilaboðum á framfæri
