Hinsegin dagar hefjast í Reykjavík í dag. Eva María Þórarinsdóttir Lange formaður Hinsegin daga og Dagur B. Eggertsson borgarstjóri settu hátíðina með opnun ljósmyndasýningar á Skólavörðustíg í hádeginu.
Skólavörðustígur var svo málaður í litum regnbogans en götumálunin var unnin í samstarfi við Umhverfis- og skipulagssvið Reykjavíkurborgar og er hluti af verkefninu „Sumargötur” í miðborg Reykjavíkur.
This is #Reykjavik today! Happy #ReykjavikPride #lgbtqia #lgbt #iceland #gayiceland #gaypride #lgbtpride #pinkiceland pic.twitter.com/AnbwRJfEuu
— Pink Iceland (@pinkiceland) August 4, 2015
24 ljósmyndir eru til sýnis en þær eru frá ýmsum viðburðum Hinsegin daga síðasta áratuginn. Myndirnar koma úr einkasafni Geirax en hann hefur myndað viðburði tengda hátíðinni um árabil.
Hinsegin dagar í Reykjavík eru í ár haldnir hátíðlegir í sautjánda sinn. Fjölbreytnin er í fyrirrúmi en nærri 30 viðburðir standa gestum til boða fram á sunnudag.
Hátíðin hámarki með Gleðigöngu Hinsegin daga og Regnbogahátíð við Arnarhól á laugardaginn.
Loks hafa Hinsegin dagar opnað nýjan vef sem unnin var af Netheimi og Lúllabúð. Smelltu hér til að skoða vefinn.