Jóhanna Erna Guðrúnardóttir, 18 ára transgender, segist hvergi fá vinnu vegna útlits síns. Umsókn hennar á KFC var hafnað eftir að hún sendi skyndbitakeðjunni mynd af sér. Þetta kemur fram á mbl.is.
Jóhanna segist hiklaust finna fyrir fordómum í sinn garð en reynir að láta það ekki á sig fá. Hún segist í viðtali á mbl.is hvergi fá vinnu vegna útlits síns:
Sem dæmi að nefna þá sótti ég um á KFC fyrir ekki svo löngu. Þau höfðu auglýst eftir starfsfólki og ég sæki um. Ég sendi þeim ferilsskrá og það virtist allt stefna í að ég fengi vinnu. Því næst var ég beðin um að senda mynd af mér, sem og ég gerði. Ég fæ þá svar til baka um að þau haldi að ég hafi sent vitlausa mynd. Ég svara því neitandi og þá fæ ég þau svör að það vanti ekkert starfsfólk.
Stutt er síðan Jóhanna steig fram sem transgender. Henni fannst þungu fargi af sér létt, samkvæmt mbl.is.
„Það er tiltölulega stutt síðan ég opinberaði þetta og líf mitt hefur umturnast á frábæran hátt síðan þá.“