Hráefni:
- 6 maísstönglar, ferskir eða afþýddir
- 1 dl majónes
- 2 msk ferskt saxað kóríander, plús extra fyrir skraut
- 1 hvítlauksgeiri, rifinn niður
- örlítill cayenne pipar
- 2 1/2 dl fínt rifinn parmesanostur
- 1/2 tsk chilliduft
- lime sneiðar, má sleppa
Aðferð:
1. Hitið grillið á meðalhita.
2. Hrærið saman majónes, kóríander, hvítlauk, cayenne pipar og leggið til hliðar. Setjið rifna parmesanostinn á grunnan disk.
3. Þegar grillið er orðið heitt þá grillum við maísstönglana í nokkrar mín, c.a. 8-9 mín og snúum þeim reglulega á meðan.
4. Penslið maísstönglana næst með majónes blöndunni, takið einn í einu upp með töng, veltið upp úr parmesanostinum og raðið þeim á disk eða fat.
5. Kryddið þá til með chilli, cayenne pipar og fersku kóríander. Skreytið með lime sneiðum.