Aðalsteinn Kjartansson, útvarpsmaður á Rás 2, tók að sér kettling úr raunveruleikaþættinum Keeping Up With The Kattarshians sem er í beinni útsendingu á Nútímanum. Aðalsteinn gaf kettlingnum nýtt nafn: Tommi. Horfðu á myndbandið hér fyrir ofan.
Sjá einnig: Systkinin Dimma, Sara Björk, Svarthöfði og Úlfur Úlfur flytja inn í kisuhúsið
Eins og Nútíminn greindi frá í gær þá eru systkinin Dimma, Sara Björk, Svarthöfði og Úlfur Úlfur flutt inn í fallega og skemmtilega húsið í Keeping Up With the Kattarshians. Þau taka við af Vanillu og kettlingunum hennar fimm: Gretti, Nóa, Trítli, Tópasi og Nóu sem bræddu hjörtu heimsbyggðarinnar í húsinu síðustu vikur. Hér er hægt að fylgjast með kisunum í beinni útsendingu.
Aðalsteinn á tvo syni, þá Tinna og Tuma. Tommi passar því vel inn í hópinn en Aðalsteinn reiknar með því að þurfa aðeins að passa upp á kettlinginn á heimilinu.