https://www.youtube.com/watch?v=TzZTG2TnWiw
Skotinn John Tierney deildi nýverið myndbandi á Youtube þar sem hann rífst við dóttur sína Grace um þann möguleika að hún eignist kærasta í framtíðinni. John Tierny þvertekur fyrir hugmyndina og segir dóttur sinni að í framtíðinni verði hún nunna:
„Þú munt starfa fyrir Jesú.“
Áhugavert er að rifja upp ummæli Baltasar Kormáks í þessu samhengi, en í forsíðuviðtali SKE frá því í janúar sagði Baltasar:
Reglulega er minnst á það hversu erfitt það sé fyrir karlmenn þegar dætur þeirra fara að „date-a.“ Þetta er martröð karlmannsins … sjálfur hef ég ekki upplifað þetta; þetta angar af feðraveldinu. Eiga feður að vera meira inn í kynlífi dætra sinna en sona? Er það eitthvað að hræðast að þeir njóti kynlífs? Þetta er mikið í bandarískum bíómyndum, til dæmis. Mér finnst þetta afar subbulegt.
– Baltasar Kormákur