Síðastliðið laugardagskvöld frumflutti rapparinn Herra Hnetusmjör lagið KLING KLING í útvarpsþættinum Kronik á X-inu 977 af mikilli innlifun – og í dag, fimm dögum seinna, leit myndband við lagið dagsins ljós á Youtube (sjá hér fyrir ofan).
Í samtali við SKE í morgun lýsti Hnetusmjör tilurð lagsins á eftirfarandi veg:
„Joe Frazier viðraði þá hugmynd að taka upp keðjurnar mínar skellast saman og sampla það. Þaðan kom í rauninni conceptið af laginu. Hlynur Hólm (Ár eftir ár, 203 Stjórinn) gerði myndbandið og Ágúst Elí (Enginn mórall) á heiðurinn á brellunum í himninum.“
– Herra Hnetusmjör
Þess má geta að Herra Hnetusmjör stígur á svið á Kronik LIVE tónleikunum í Laugardalshöllinni á morgun. Fram koma Young Thug, Krept & Konan, Aron Can, Gísli Pálmi, Emmsjé Gauti, Alvia, Úlfur Úlfur, Alexander Jarl, Birnir, Sturla Atlas, DJ Karítas, DJ Egill Spegill og DJ B-Ruff.