Rapparinn Kíló, oftast kenndur við Keflavík, sendi frá sér myndband við lagið Magnifico í dag. Leikstjóri myndbandsins er Þorbjörn Einar Guðmundsson (einnig þekktur sem Basic-B) og sá hann einnig um að klippa myndbandið. Lagið sjálft er pródúserað af BLKPRTY.
Aðspurður út í hugmynd lagsins lét Kíló eftirfarandi ummæli falla:
„Ég er sjaldan með eitthvað ,concept’ fyrir lögin mín. Mér finnst gaman að gera ,BANGERS’ (SKE: sumsé, grípandi lög sem státa sig af sterkum, fyrirferðamiklum bítum). Fyrir mér þýðir ,Magnifico’ einfaldlega þetta: Stay fresh 24/7, look good, rap good, be good.“
– Kíló
Myndbandið hefur fengið hlýjar móttökur á samfélagsmiðlum. Kíló kemur fram á Paloma næstkomandi laugardag ásamt Valby bræðrum, Balatron og fleirum.
Orð. RTH
(Til gamans má geta að fyrirsögn greinarinnar er tilvísun í texta lagsins: „Ride the beat till I get carsick.“)