Drekasvæðið, nýr sketsaþáttur, hefst á RÚV 1. maí. Nýjan skets úr þáttunum má sjá hér fyrir neðan.
Sjá einnig: Pétur Jóhann til liðs við RÚV
Þættirnir verða átta talsins og tökur hófust í október. Pétur Jóhann Sigfússon bættist í hóp leikara og handritshöfunda fyrr á þessu ári en þættirnir eru einnig skrifaðir af Ara Eldjarn, Braga Valdimar Skúlasyni og Guðmundi Pálssyni og framleiddir af Stórveldinu. Leikstjóri er Kristófer Dignus.
Ásamt höfundunum leika Saga Garðarsdóttir, Hilmar Guðjónsson, María Heba Þorkelsdóttir, Birgitta Birgisdóttir og Nanna Kristín Magnúsdóttir í þáttunum. Og jú, Pétur Jóhann.