Í síðasta þætti the Late Show, reifaði háðfuglinn Stephen Colbert heimsókn rapparans og dulspekingsins Kanye West til Ellen. Í tilefni þeirrar fallegu, en oft á tíðum óskiljanlegri stóryrðisræðu sem vall upp úr kjafti Kanye, flutti herra Colbert paródíu af fyrrgreindri ræðu — og er hún stórkostleg.
Best þykir okkur hugmyndir Colbert um pylsubrauðsbyltinguna:
„Mig langar að gjörbylta pylsubrauði. Þegar ég viðra þessar hugmyndir mínar á mannamótum er ég talinn brjálaður, en þegar ég var í öðrum bekk borðaði ég pyslur. Ég hringdi meira að segja í Oscar Meyer og sagði við hann: Við verðum að framleiða betri pylsubrauð, svo að pylsan gangi ekki fram úr brauðinu.“
– Colbert
Hér fyrir neðan má sjá brot úr samtali Kanye og Ellen.