Joe Exotic, betur þekktur sem Tiger King, situr nú á bak við lás og slá þar sem hann afplánar 22 ára fangelsisdóm. En þættir sem fjalla um líf hans hafa heldur betur slegið í gegn á Netflix undanfarið.
Hann lætur fangelsisvistina ekki stöðva sig í því að nýta þessa nýfengu heimfrægð og hefur nú hafið netsölu á merktum fatnaði. Nýja fatalínan inniheldur meðal annars joggingbuxur, hetturpeysur, boli og andlitsgrímur. Allt er þetta merkt með tígrisdýrum eða setningum sem tengja má við þættina og seldist fyrsta sendingin upp á örfáum klukkustundum.
Um er að ræða sex mánaða samstarfsverkefni Joe Exotic og fatamerkisins Odaingerous og að sögn eiganda Odaingerous, Odain Watson, hafa nú þegar selst 7000 flíkur og eru fleiri á leiðinni.