John Snorri Sigurjónsson er lagður af stað til Pakistan, þar sem hann hyggst klífa K2, næsthæsta fjall heims, og verða um leið fyrsti maðurinn sem kemst á topp þess að vetri til. Sjá einnig hér.
John varð árið 2017 fyrsti Íslendingurinn til þess að komast á topp fjallsins K2 en hingað til hefur engum tekist það að vetri til. Í samtali við Mbl segir hann ferðaáætlunina nú þá sömu og síðast, eini munurinn sé veðrið.
„Það er rosalega kalt og erfitt að athafna sig í þessu veðri,“ segir hann. Eftir að hópurinn verður búinn að koma búnaði fyrir í búðum segir John viðbúið að hann þurfi að bíða eftir að „veðurgluggi opnist“. Allt í allt tekur ferðalagið um þrjá mánuði, segir hann.