Lögreglunni á höfuðborgarsvæðinu barst tilkynning um umferðaróhapp, rétt upp úr miðnætti í gær. Þetta kemur fram í dagbók lögreglu.
Þar hafði einstaklingur dottið af rafskútu og var viðkomandi talinn fótbrotinn. Flytja þurfti einstaklinginn á bráðadeild til skoðunar.
Önnur tilkynning um sambærilegt slys barst lögreglu á þriðja tímanum í nótt, í Hlíðarhverfi, en þar hafði einstaklingur fallið af rafskútu og var fluttur á bráðadeild til skoðunar. Ekki er vitað hverjir áverkarnir voru eða hvort þeir voru alvarlegir.