Þórólfur Guðnason, sóttvarnalæknir, greindi frá því á upplýsingafundi dagsins að hann muni að öllum líkindum skila tillögum að tilslökunum á samkomutakmörkunum til heilbrigðisráðherra í vikunni.
Hann var þó ekki tilbúinn að gefa upp hvernig þessum tilslökunum verður háttað og ítrekaði að það þurfi að fara varlega í að létta á núverandi takmörkunum.
Einungis tíu einstaklingar hafa greinst með veiruna síðustu viku innanlands og voru þeir allir í sóttkví.