Líkamsræktarstöðin World Class hefur sótt um að setja upp nýja stöð í Kringlunni. Þetta kemur fram í Fréttablaðinu í dag.
Í umsókninni kemur fram að stöðin yrði á tveimur hæðum, með veitingastofu og útisvæði með heitum pottum. Afgreiðslu málsins var frestað af byggingarfulltrúanum í Reykjavík vegna athugasemda heilbrigðiseftirlits.
Í dag er starfrækt ómönnuð World Class stöð við Kringluna sem er opin allan sólarhringinn.