Karlmaður um þrítugt var í dag í Héraðsdómi Reykjaness úrskurðaður í fjögurra vikna gæsluvarðhald, eða til 5. apríl, að kröfu Lögreglunnar á höfuðborgarsvæðinu.
Maðurinn var handtekinn á miðborgarsvæðinu í gærkvöld, en hann er grunaður um að hafa stungið tvo menn með hnífi í Hlíðarendahverfinu í Reykjavík um fjögurleytið í gær.
Á öryggismyndavél verslunarinnar OK Market sést hvar maðurinn gengur inn og virðist svo, af tilefnislausu, ráðast á tvo starfsmenn verslunarinnar sem stóðu á bakvið afgreiðsluborðið.
Þeir sem urðu fyrir árásinni voru báðir fluttir á slysadeild og er líðan þeirra eftir atvikum.