Það sem við vitum:
- Talið er að 26 séu látnir.
- Mikill viðbúnaður er á flugvellinum. Lestar- og flugferðum hefur verið aflýst.
- Sprengingar voru nálægt byggingum Evrópusambandsins í Brussel.
- Flugvöllurinn verður lokaður þangað til klukkan sex í fyrramálið.
—
Uppfær kl. 12.47: Á vef The Guardian kemur fram að 26 séu látnir eftir sprengingarnar. Talið er að að minnsta kosti 11 manns hafi látið lífið og 81 særst í sprengingunni á Zaventem-flugvellinum. Þá er talið 15 hafi látið lífið og 55 séu særðir eftir spreningunni á lestarstöðinni.
Uppfært kl. 9.49: Sprenging var nálægt skrifstofum ESB
Nálægð sprengingarinnar á lestarstöðinni við skrifstofur Evrópusambandsins er mikil. pic.twitter.com/u8DxE6u5Ri
— Vísir (@visir_is) March 22, 2016
—
Að minnsta kosti 23 eru sagðir látnir og 35 særðir eftir hryðjuverkaárás á flugvelli og lestarstöð í Brussel í morgun. Ekki er vitað hvað olli sprengjunum en á vef The Guardian segir að talið sé að um sjálfsmorðsárás sé að ræða.
Fjórir dagar eru síðan lögreglan í Belgíu hafði hendur í hári Salah Abdeslam, mannsins á bakvið hryðjuverkaárásirnar í París á síðasta ári.
Að minnsta kosti 10 létust í sprengingu við Maelbeek-lestarstöðina, skammt frá byggingum Evrópusambandsins. Að minnsta kosti 13 létust í sprengingu á Zaventem-flugvellinum.
Íslendingar í Brussel eru beðnir um að láta vita af sér til fjölskyldumeðlima. Ef þörf er á aðstoð hringið í borgaraþjónustu +354 545 9900
— Gunnar Bragi (@GunnarBragiS) March 22, 2016