Karlmaður á fertugsaldri lést eftir fall á vinnusvæði í Urriðaholti í Garðabæ eftir hádegi í dag. Tilkynningin barst á þriðja tímanum í dag en maðurinn var úrskurðaður látinn á vettvangi þegar sjúkraflutningamenn mættu á staðinn.
Þetta kemur fram í tilkynningu frá Lögreglunni á höfuðborgarsvæðinu og segir þar einnig að ekki sé hægt að greina frá nafni hins látna að svo stöddu en hann var erlendur ríkisborgari.