Auðunn Blöndal, Steindi Jr. og Sveppi byrjuðu í gær að skrifa nýja sketsaþætti sem hafa fengið vinnuheitið FM95Blö og verða sýndir á Stöð 2. Þetta kemur fram á Vísi.
Sparkspekingurinn Hjörvar Hafliðason og tónlistarmaðurinn Jón Jónsson verða með þeim félögum í teyminu. Auðunn segir í samtali við Vísi að þættirnir séu á frumstigi.
Við erum rétt að byrja. Við eigum eftir að leika sjálfir í þáttunum en svo koma fleiri inn í verkefnið þegar á líður.
Tökur á þáttunum hefjast í haust og hann fer í loftið næsta vetur.
Skrif hafin à nýrri sketsaseríu! 1 sketsinn skrifaður síðan 2008! Svínasúpan meets Steindinn Okkar… pic.twitter.com/J3QEuq91My
— Auðunn Blöndal (@Auddib) June 3, 2015