Menn leggja mismikið á sig til að komast í gufu og svitna út syndum síðasta árs.
Maður á þrítugsaldri braust inn í sundlaug í Hafnarfirði í gærkvöldi, en sundlaugin var lokuð í gær. Þegar lögregla kom á staðinn kom í ljós að maðurinn var að nýta sér gufubað sundlaugarinnar. Þetta kemur fram á mbl.is.
Lögreglan hafði annars nóg að gera í gær. Í Austurbæ Reykjavíkur var tilkynnt um eignarspjöll þar sem spreyjað hafði verið á húsnæði og bíl sem þar stóð hjá og í Grafarvogi var tilkynnt um eignaspjöll á félagsmiðstöð. Þar hafði flugeldum sennilega verið skotið á rúðu sem brotnaði.
Í miðborginni víkur voru rúður brotnar á kjallaraíbúð í tveimur húsum og telur lögregla sennilegt að sparkað hafi verið í þær með þessum afleiðingum.