Gunnar Hrafn Jónsson, þingmaður Pírata, gerði athugasemd við færslu sem sett var inn á Facebook-hópinn Geðsjúk sem vakið hefur mikla athygli og Vísir.is greinir frá. Í hópnum sem inniheldur rúmlega 4.000 manns segir Gunnar Sjálfstæðisflokkinn hafa blóð á höndum sínum þegar kemur að geðheilbrigðismálum.
Færslan sem Gunnar gerði athugasemd við fjallaði um stefnumál Sjálfstæðisflokksins þar sem segir að flokkurinn vilji klára geðheilbrigðisstefnuna og auka forvarnir í geðheilbrigðismálum.
„Þetta er ljótasta lygi sem ég hef séð í þessari kosningabaráttu. Það var Sjálfstæðisflokkurinn sem bannaði Óttari og Viðreisn að gera umbætur. Þessir lygarar hafa blóð á höndum sínum. Blóð vina minna,“ skrifar Gunnar í athugasemd.
Í samtali við Vísi.is segir Gunnar að tugir ungmenna láti lífið árlega vegna geðsjúkdóma sem ekki er verið að meðhöndla, vegna skorts á fjárframlögum og aðstöðu. Hann segir leiðtoga ríkisstjórnarinnar hafa staðið gegn því að bylting yrði gerði í þessum málum á síðasta kjörtímabili.