Sumar barnastjörnur halda áfram í skemmtanabransanum á meðan aðrar fara að gera eitthvað allt annað. Nútíminn tók saman lista yfir barnastjörnur sem við þekkjum öll eftir að þær rændu hjörtum okkar.
7.
Jónmundur Grétarsson söng lagið Á morgun í söngleiknum Bugsy Malone. Jónmundur var að útskrifast sem leikari í vor frá skóla í San Francisco. Hann fer með hlutverk Gogga Mega í Latabæ og Ólaf bróðir Karitasar í sýningunni Karitas. Báðar sýningarnar eru í Þjóðleikhúsinu.
6.
Katrín Sigurðardóttir, betur þekkt sem Kata, gaf út geisladisk með ábreiðum af vinsælum erlendum lögum árið 2002, þá aðeins tíu ára gömul. Katrín er nú nemi við Háskóla Íslands þar sem hún er að læra Ferðamálafræði með markaðsfræði- og alþjóðaviðskipti sem aukagrein.
5.
Freydís Kristófersdóttir lék Yrsu í kvikmyndinni Stikkfrí frá árinu 1997. Freydís vinnur nú sem þjónn á Snaps og sér um plönturnar þar inni. Hún er með mörg járn í eldinum og í frítíma sínum býr hún til keramiklist. Hún er útskrifuð úr Myndlistaskólanum í Reykjavík.
4.
Bergþóra Aradóttir fór með hlutverk Hrefnu í Stikkfrí. Hún vinnur sem markaðsfulltrúi hjá Marel.
3.
Benedikt Andrason lék Pétur í söngvamyndinni Regínu. Benedikt er þessa stundina nemi við Myndlistaskólann í Reykjavík.
2.
Sigurbjörg Alma Ingólfsdóttir lék Regínu í samnefndri mynd. Hún er nú búsett í London en hún útskrifaðist úr leikslistarskóla þar í fyrra.
1.
Logi Pedro Stefánsson hóf feril sinn sem bassaleikari hljómsveitarinnar Retro Stefson. Retro Stefson undirbýr um þessar mundir útgáfu fjórðu plötu sveitarinnar. Logi er ásamt því að gera það gott með nýrri hljómsveit, Young Karin, sem hann er í ásamt Karin Sveinsdóttur.
Fylgdu Nútímanum á Facebook og þú missir ekki af neinu.