Milljónamæringar streyma til landsins ef marka má umfjöllun Morgunblaðsins í dag. Allt að 15 einkaþotur lenda á Reykjavíkurflugvelli á dag og nú er annasamasti tími ársins að hefjast.
Einar Hrafn Jónsson, rekstrarstjóri BIRK Flight Services, sem sinnir þjónustu við einkaflugvélar á Reykjavíkurflugvelli, segir í Morgunblaðinu í dag að minnst sé að gera um veturinn.
Stærstu mánuðirnir eru júlí og ágúst. Þá er mikið af stærri vélum. Svo er eitthvað hina tvo mánuðina í kring, en minnst um veturinn.
Einkaþotunum hefur fjölgað á ný eftir samdráttinn í hruninu, að sögn Einars. Nú er von á frá sex og upp í 15 vélar á dag þegar mest sé að gera.
Einar segir í Morgunblaðniu marga sem lenda í einkaþotunum á höttunum eftir einni tegund af afþreyingu: „Það eru margir að koma í laxinn núna,“ segir hann.