Gunnar Nelson mætir Brasilíumanninum Demian Maia á bardagakvöldi UFC á laugardaginn. Gunnar er mættur til Las Vegas og dvelur þar í lúxusvillu sem bardagakappinn Conor McGregor hefur tekið á leigu. Conor mætir Jose Aldo í aðalbardaga kvöldsins.
Gunnar og Conor eru vinir og æfingafélagar. Bardagarnir verða þeir stærstu sem þeir hafa barist. Það mun ekki fara illa um þá fram að bardaga þar sem þessi lúxusvilla er glæsileg í alla staði ásamt því að sólin skín í Vegas alla daga.
Þjálfari Gunnars og Conors, John Kavanagh, birti þessa mynd á Twitter sem sýnir útsýnið frá sundlauginni.
Not a bad view of the strip from the pool – feels like home! #UFC194 pic.twitter.com/VZ2gxqhr5y
— Coach Kavanagh (@John_Kavanagh) December 8, 2015