Ólafur Ragnar ætlar að bjóða sig fram á ný. Þetta voru nýjar fréttir fyrir okkur flest þegar hann las upp tilkynningu sína á Bessastöðum í dag en fréttirnar komu grínistanum Jóhanni Alfreð, úr Mið-Íslandi, ekki neitt á óvart.
Sjá einnig: Ólafur Ragnar varpaði bombunni á Bessastöðum með fílabindi um hálsinn
Hann sá þessa atburðarás nákvæmlega fyrir, eins og sést í þessu broti úr uppistandi Mið-Íslands frá því í febrúar. Hann sá fyrir að Ólafur Ragnar myndi bjóða sig fram á ný og virðist einnig sjá fyrir sér framboð Höllu Tómasdóttur.
Sjáðu myndbandið hér fyrir neðan.
Næsta föstudagskvöld, þann 22. apríl, verða lokasýningar Mið-Íslands í Þjóðleikhúskjallaranum og á Facebook-síðu hópsins kemur fram að Jóhann Alfreð ætli að lesa upp lottótölur næsta laugardags og tilkynna um úrslit komandi helgar í enska boltanum.