Uppskrift sem var sögð vera af kryddhjúpnum á KFC var birt í dagblaðinu The Chicago Tribune á dögunum. Nútíminn er sérstaklega áhugasamur um djúpsteiktan kjúkling og vildi sannreyna hvort um raunverulega uppskrift offurstans sé að ræða. Horfðu á myndbandið hér fyrir ofan.
Sjá einnig: Er þetta leynilega kryddblandan á KFC? Frændi ofurstans sýndi blaðamanni handskrifaða uppskrift
Við hittum annan áhugamann um djúpsteiktan kjúkling, veitingamanninn Ólaf Örn Ólafsson, og prófuðum að blanda saman þessum 11 jurtum og kryddum úr uppskriftinni ásamt 5 dl af hveiti.
Af hverju Ólaf?
- 2/3 teskeið salt
- 1/2 teskeið timjan
- 1/2 teskeið basil
- 1/3 teskeið oreganó
- 1 teskeið sellerí salt
- 1 teskeið svartur pipar
- 1 teskeið sinnepsduft
- 4 teskeiðar parikuduft
- 2 teskeiðar hvítlaukssalt
- 1 teskeið þurrkað og mulið engifer
- 3 teskeiðar hvítur pipar
Eldamennskan gekk ekki áfallalaust fyrir sig en niðurstaðan var bæði stökk og girnileg
Kryddblandan er eitt best geymda leyndarmál heims. Samkvæmt fyrirtækinu er handskrifað eintak af uppskriftinni geymt í 350 kílóa öryggisskáp sem er umkringdur öryggismyndavélum og hreyfiskynjurum.
Blaðamaðurinn Jay Jones var sendur til bæjarins Corbin í Kentucky til að skrifa grein um bæinn þar sem Sanders ofursti bjó og hóf að djúpsteikja kjúkling.
Jones hitti þar Joe Ledington, frænda ofurstans, sem sýndi honum úrklippubók sem var áður í eigu Claudiu Ledington, eiginkonu ofurstans sem lést árið 1996. Í bókinni er að finna handskrifaða uppskrift með 11 jurtum og kryddum sem Ledington sagði vera hina víðfrægu KFC-uppskrift.
Ledington sagði aðalháefnið vera hvítan pipar. „Ég kalla hann leynihráefnið,“ sagði hann.
Enginn vissi hvað hvítur pipar var á þessum tíma. Það kunni enginn að nota hann á sjötta áratugnum.
Eftir að umfjöllunin birtist hefur Ledington dregið fullyrðingar sínar til baka og segist aldrei hafa sýnt blaðamanninum uppskriftina. Þá hefur hann ekki svarað viðtalsbeiðnum frá New York Times. Haft var samband við talsmann KFC sem sagði að uppskriftin sem birt var í The Chicago Tribune væri ekki rétt.