Arnar Freyr Frostason eða Arnar Úlfur úr hljómsveitinni Úlfur Úlfur sendi í gær frá sér sína fyrstu sóló plötu. Silja Björk Björnsdóttir, aktívisti og femínisti, er mikil áhugakona um íslenskt rapp og hún gefur plötunni toppeinkunn.
Silja, sem er þekktust fyrir baráttu sína í málefnum geðsjúkra á Íslandi, hlustaði á plötuna á leið sinni til Akureyrar í dag og fjallaði svo um lög hennar á Twitter síðu sinni.
Hún er ánægð með boðskap plötunnar og nefni meðal annars lagið Hvítur Tígur og segir það augljósa vísan í andlega líðan.
„Það er ekkert eins ógeðslega nett og badass að vera svona hreinskilinn um það að sigrast á því sem hefur aftrað manni andlega í gegnum lífið. Svo eru nokkrar vísanir í #égerekkitabú og undirrituð kann sannarlega að meta það,” segir Silja sem var ein af manneskjunum á bak við #égerekkitabú á sínum tíma.
Þá hrósar Silja Arnari fyrir það að taka ekki þátt í „þeim afkima rappmenningarinnar” að rappa niðrandi um konur.
„Það er svona hundrað sinnum áhugaverðara að hlusta á þess konar textagerð heldur en að heyra endalaust að stelpur séu rennblautar bitches, sæðisþyrstar mellur sem þrá bara þykkan lók frá næsta tvítuga gaur sem hendir í garage band rapplag.”
Silja er einnig gífurlega ánægð með samstarf Arnars og Sölku Sólar í laginu Falafel. Hún segir þau vera Jay-Z og Beyonce Íslands og kallar eftir því að þau geri plötu saman.
Hún segir að kafli Arnars í laginu sé mjög flottur og hann sé greinilega mjög ástfanginn af Sölku. Kafli Sölku fái hana til þess að óska þess að Salka rappaði meira og að konur væru sýnilegri í rappheiminum á Íslandi.
„Í alvörunni, svo nett vers – segi píka ekki pjalla – er lengi að fáða – plís ríddu mér – harðkjarna dæmi í anda Nicki/Cardi B. bara sæll vinur blessaður, þú ert fokking hot og ég þrái að flengríða þér á næsta klósetti, We’ve all been there ladies, Salka Sól bara sagði það, ” segir hún.
Hér að neðan má sjá þráð Silju Bjarkar með því að smella á Twitter síðu hennar
Road trip til AK City og tíminn nýttur til að hlusta á Hasarlífstíl, nýju sólóplötu @arnarfreir ?? Það kemur engum á óvart að þetta þykir mér dúndurgóð plata, fersk textagerð og nettir taktar eins og mínum manni einum er lagið???Hér kemur smá þráður um ágæti plötunnar: pic.twitter.com/H2igqDSYeE
— Silja Björk (@siljabjorkk) August 11, 2018
Arnar sjálfur var ánægður með umsögn Silju og þakkaði henni fyrir á Twitter síðu sinni.
Þetta kann ég að meta. Takk @siljabjorkk ❤ https://t.co/MWfGGTmskD
— arnar (@arnarfreir) August 11, 2018