„They sound amazing,“ segir bandarískur tónlistarunnandi sem birti myndskeið á vefnum YouTube þar sem hann hlustar á flutning íslenska tónlistarmannsins Mugison á laginu Murr Murr.
Myndskeiðið af flutningi lagsins var tekið upp á KEX Hostel í Reykjavík árið 2011 og var á vegum bandarísku útvarpsstöðvarinnar KEXP frá Seattle en hún hefur komið reglulega til landsins í tengslum við íslensku tónlistarhátíðina Iceland Airwaves.
„Þetta er band sem ég ætla að fylgjast með,“ segir bandaríkjamaðurinn sem kallar sig MrLboyd á YouTube. Þá flokkar hann tónlist Mugisonar undir íslenskan metal. Við á Nútímanum vitum ekki hvort íslenski tónlistarmaðurinn sé sammála þeirri flokkun en myndskeiðið er hinsvegar bráðskemmtilegt.