Lögreglan fékk tilkynningu um tvær líkamsárásir við skemmtistaði í miðbænum í nótt.
Önnur þeirra var tilkynnt klukkan korter yfir eitt í nótt og hin rétt fyrir klukkan fjögur. Í tilkynningu frá lögreglu segir að málin séu í rannsókn en svo virðist sem að enginn hafi verið handtekinn vegna árásanna.
Fyrir utan þetta fór næturlíf miðborgarinnar vel fram, að mestu leyti, segir í tilkynningunni.