Adam West er látinn, 88 ára að aldri. Hann er best þekktur fyrir hlutverk sitt í þáttum og bíómynd um Batman. Hann var fyrsti leikarinn til að leika Leðurblökumanninn. Seinna fór hann með hlutverk borgarstjórans í Family Guy. Hann háði skammvinna baráttu við hvítblæði og lést í faðmi fjölskyldu sinnar í Los Angeles í Bandaríkjunum í gærkvöldi.
West átti í vandræðum með að finna vinnu eftir leik sinn í Batman og neyddist til að setja upp skykkjuna og grímuna á bæjarhátíðum og karnivölum til að vinna sér inn peninga.