Leikarinn Vin Diesel uppfærði cover-myndina sína á Facebook rétt í þessu.
Myndin sem varð fyrir valinu, og var þar með dreift til þeirra 94 milljóna sem fylgja leikaranum á samskiptamiðlinum, var mynd af honum ásamt okkar manni, Ólafi Darra Ólafssyni.
Facebook-síðan hans lítur því svona út í dag. Glæsileg!
Myndin er tekin á tökustað kvikmyndarinnar The Last Witch Hunter. Myndin verður frumsýnd í október.
Ólafur Darri Ólafsson leikur norn í myndinni. Hann berst við Diesel í myndinni, sem leikur nornaveiðarann. Ásamt þeim fara Michael Caine, Elijah Wood og Rose Leslie með hlutverk í myndinni.
Breck Eisner leikstýrir myndinni sem fjallar um síðasta nornaveiðarann og baráttu hans við nornir í New York nútímans.
Ólafur var spenntur fyrir hlutverkinu. „Mér líst bara rosa vel á þetta hlutverk,“ sagði Ólafur í samtali við mbl.is á sínum tíma. „Ég fór í prufur fyrir hlutverkið í maí og fékk að vita í vikunni að ég fengi hlutverkið.“
Hér má sjá stiklu myndarinnar.