Mynd af áhorfendum í leik Íslands og Nígeríu á dögunum hefur slegið í gegn í netheimum. Á myndinni má sjá íslenskan strák og íslenska stúlku tala saman í stúkunni en það sem hefur vakið athygli eru hendurnar á stráknum sem virðast vera ansi smáar.
Myndin hefur vakið athygli á fréttamiðlum ytra. Á bandaríska íþróttamiðlinum 12up er fjallað um málið og sagt frá því að maður með „fáránlega” litlar hendur hafi sést á vellinum að tala við íslenska fegurðardrottningu.
„Ef þú getur komið höndunum þínum í sjónarhorn þar sem þær líta út fyrir að vera þetta litlar í sjónvarpi þá ættiru ekki að vera að tala við fallegustu stelpu í heimi nema þú viljir að brandararnir fái að flæða,” segir í umfjöllun vefsins sem telur það greinilegt að handastærð skipti máli í því hvern maður velur sér til þess að spjalla við.
Einnig er fjallað um málið á íþróttamiðlinum TotalProSports þar sem að því er haldið fram að hún hafi lítinn áhuga á því sem hann hefur að segja. „Kannski ætti hann að hugsa sig tvisvar um áður en hann veifar þessum smáu höndum í andlitið á henni.”
Ísland tapaði leiknum 2-0 en liðið mætir Króatíu klukkan 18 í dag og þarf á sigri að halda til þess að eiga möguleika á því að komast í 16 liða úrslit HM.
Whadda you say…you, me & my baby hand head out a little early & beat the traffic pic.twitter.com/bygcF2XqE0
— Busted Coverage (@bustedcoverage) June 22, 2018