Ráðist var á Stellu Briem Friðriksdóttur í dalnum á Þjóðhátíð í Eyjum í gær. Hún notaði samskiptamiðilinn Twitter til að segja frá árásinni og birta myndir af áverkunum. Hún segir ástæðuna vera að hún sé femínisti.
Ií dag var ég lamin fyrir að vera femínisti á þjóðhátíð,eftir 10 ár verður situation-ið vonandi ekki eins.
— Stella Briem (@StellaBriem) August 3, 2015
Stella er formaður Feministafélgas Verzlunarskóla Íslands. Hún segist í samtali við Vísi ætla að kæra árásina. „Það kemur ekkert annað til greina. Maður á að kæra allt svona kjaftæði,“ segir hún.
Hún segir á Vísi að þrjár stúlkur hafi byrjað að atast í sér og vinum sínum þar sem þau sátu hjá hvítu tjöldunum.
Það hélt áfram í smástund þangað til að orðið femínisti bar á góma. Ég reyndi að ræða við þær um það en þá sprakk allt í háaloft, þær stukku á mig og ég lá í grasinu með þær á mér.
Hún þekkir enga af stelpunum sem réðust á hana.