Tveir menn, sem voru sakaðir voru um nauðgun í Hlíðamálinu svokallaða, hafa stefnt Hildi Lilliendahl Viggósdóttur fyrir færslu sem hún skrifaði á Facebook vegna málsins. Mennirnir krefja Hildi um 1,5 milljónir króna hver um sig. Það er Rúv sem greinir frá þessu.
Málið vakti mikla athygli í nóvember árið 2015 eftir að Fréttablaðið greindi frá því að tveir karlmenn væru grunaðir um hrottaleg kynferðisbrot og að þeir hefðu verið úrskurðaðir í gæsluvarðhald. Ríkissaksóknari felldi svo málið niður í byrjun árs 2016.
Auk Hildar stefna mennirnir annari konu sem skipulagði mótmæli við lögreglustöðina á Hverfisgötu vegna málsins um um fjórar milljónir.
Í stefnunni er þess krafist að ummæli Hildar verði dæmd dauð og ómerk. Samkvæmt henni er Hildur sögð hafa fullyrt að mennirnir hefðu notað sérútbúan íbúð til þess að nauðga konum.